تفتكري نلبس بكره ايه
التوكة الحمراء
لا أنا بحب الروز أكتر
خلاص نخليها الروز المرة دي
تفتكري بكره نذاكر ايه؟
أناتومي
لا مش بحبه
بس طويل
خلاص نبدأ حاجة خفيفة
تفتكري نقولهم؟؟
مش عارفة أنا محتارة
وأنا كمان
نشوف بكره هيحصل ايه
تفتكري؟؟
آه
طيب وايه رأيك؟؟
أنا موافقة
فكري وقولي لي
أكبر مشاكلنا كانت توكة وشوية كتب وأصحاب
عارفة بكره إني هصحى ألاقي مشكلة أكبر
بس أهم مافيها
إنك لسه ماسكة ايدي
وبتقولي لي أنـا لسه هنـا
3 comments:
ربنا يخليكوا لبعض
:)
هو فعلا.. مهما كانت أدامنا ماكل كبيرة و مهما كترت، لو معانا حد قريب مننا و بيحبنا بجد دة هيفرق كتير جدا و هيهون كل المشاكل
:)
انا هنا وهفضل هنا
حتي لو بجسمي هناك
بس انتي اكيد عارفة ان روحي هنا
اكيد حاسة بيها
وشايفاها
بجد
مفتقداكي اوي
مفتقدة حاجات كتير اوي انتي عارفها
وحاجات تانية يمكن تكوني لسة مش عرفتيها
عارفة
بكرة مش هتبقي فيه مشاكل
علشان كل ما الوقت بيعدي كل ما بتعرفي اد ايه اللي معاكي كان يستاهل واد ايه انتي بتحتاجي مجرد وجوده حتي لو كنتي في وجوده ساعات بتقابلي مشاكل لكن لما بتفتكريها بتضحكي
لو بنقول كل اللي جوانا لكل اللي بنحبهم يمكن يبقي اقل من اللي عايزين نقوله وعلي راي فيروز
خايف اقول اللي في قلبي تزعل وتعند ويايا :)
وحشتينييييييييييييييييي اوي والله
عارفة أنا رغاية جدا وكلامي مش بينتهي
لكن أول مرة أبقى مش عارفة أقول ايه
أي كلام مش هيوفيكي حقك كصديقة وكانسانة
بجد أنا بحمد ربنا إنك أعز صديقة لي وأختي بجد
ربنا يخليكي لي ويسعدك يارب زي مانتي أسعدتيني
وحشتيني ووحشتني مشاركتك لي في كل تفاصيل حياتي الماضية والحاضرة
وغد سنبقى فيه سوياً إن شاء الله
أحبك غاليتي وزهرتي :*
Post a Comment